Chhiar suh

Blogger ni tur hian ka thiamna leh theihna a va tlem em! Hriatloh zawt mai thin khan zawh tur awm talo chu mahni in ka han arkhawthim dai tak tak mai ah! Thiam a va han chiang duh in ka va han tisual tam tehlul em!

Mahni han inpuang ila : Thiam neih duh ve si, mahse mi tih entawn ringawt a thil thiam ve hreh tlat mi ka ni hi ka tuar fova, ka hlawhpui ve thin bawk.He internet thiamna khawvelah hian engtik ah emaw chuan heng te mai mai hi chu kan la hnuchhawn ngei dawn a, min la nuihzat mai mai ngawt ang chu! Mahse se..TUNAH tak hi chuan nuih a za lovin thiam hi ka'n inti mai mai khawp ah!

Mifate chuan mahni inlum atang in khawvel zau zawk hi an dap a, chutiang thiamna it leh tihve chak a ka tuihalna hi a va rei tawh tak em! He GPRS satel speed hian ram ropui min thlen dawn lovin ka hria a, ka neih chhun hi ka sit a, a nih ang ang a tangkai taka hman tum aiin ka tih leh hman hma hauh in engmah nilo khan kan sit ve em em ringawt a. Mi broad band neih te ka it em em a, mahse maw............hei.......mi blog ka chhiar thin ang ngei kha keimah........keimah liau liau in ka siam in ka duhna hmun ngei ah ka share ve thei ta si! He GPRS thiamthil, satel speed hi ka neihchhun liau liau ani a, sit lova hetia ka nghah peih reng phawt chuan, eng eng emaw te hi chu kala ti ve zel dawn niin alang e.